المساعد الشخصي الرقمي

مشاهدة النسخة كاملة : كلمات اغنية فيس بوكى أحمد مكى



MoHaMeD MaHdY
2011-12-05, 09:11 AM
rKz5dkbwGEg



فى يوم قاعد فى كوفى شوب بشرب قهوه و سجارة سرحت قفلت عينى زورت ذكرياتى زيارة

سرحت فى اد ايه الدنيا ديه واطية و غداره و ان حب الناس 90% منه تجارة و ده مش كل اللى افتكرة

ده عصارة العصارة اصلى افتكرت فترة ضعت فيها و دوقت خسارة على رأى ست كبيرة فى حتيتنا

الدنيا خيارة اسمع منى الحدوتة دى وافهم من العبارة





انا مليش اكونت عالفيس بوك اسمع من مكى
خلوا بالكم من اللى بيعمل فيسبوكو انه فيسبوكى
حاول تحلقله تنفضلوا فكك منوا او فكى
مهما قالك وحلفلك وبعتلك سكوه او سكى

نازل من البيت بالليل اجيب فول بيض زبادى وفينو
العشا الرسمى فى مصر طبعا كلنا عارفينوا

قابلت واد فاقد من الحته وفقرى واسمه نينو
مامى ميا ودخان وبيهزى يخربيت سنينوا

قالى ينفع يا مكى عالفيس بوك اعملك أدد
أنا وأحمد معتز وطارق بيك بيك وعماد

وإنت تنفضلنا التنفيضة السودة دى خد ياض
إعملنا أدد إعملنا أدد
مش مهم معتز وطارق المهم أنا وعماد

قولتلوا يابنى انت بتهزى ولا بتتكلم جد
أنا من زمان بينى وبين الفيس بوك ميت سد وسد

اخرى كان الهاى فايف يمكن و الأى سى كيو
هتقولى عندك فيسبوك هقولك damn you

خدنى من ايدى لبيته يورينى أصل الموضوع
قام فاتح الفيس بوك فلقيت تلاتين اكونت مصنوع

حاطين صورتى وكاتبين اسمى وعاملين نفسهم انا
وكل واحد فيهم بيكلم ألاف فى السنة

هموت وأعرف بيقولوا إيه للناس على لسانى
دى حاجة تخوف ترعب حط نفسك مكاانى

لسه مفوقتش من الصدمة قام نينو ورانى حاجة تانى
فتحلى عالفيس بوك fan page فيها 100 الف fan

كاتبين كلام جميل خلى قالبى مرفرف فرحان
شكراً لكل اللى كتب ان كان lady أو Man

ملحقتش أفرح راحت الفرحة بقيت قاعد غضبان
أصلى لاحظت ان اللى عمل الصفحة عيل كتيان

متقمصنى وبيتكلم زى دبور فى فيلم مرجان
كبر جيهك روق ديهك إخبط دى يا مان
سلطاتك بابا غنوجك وإضربلك خابور كمان

ركزت قريت كل اللى كتبه الواد ده لقيته هباب
دخلت فى لحظة كتبت فى كل صفحة ده واد نصاب

مسح اللى كتبته بسرعة ورد وقال هو الكداب
فجأة الكل قفش كشر كان ناقص يرمونى قبقاب
وبعتلى شتيمة عملى بلوك وطردنى طرد كلاب

يقطع النت عالنتيتة عاللى عينتتوا عليه
عليه عليه

دورت أكثر ولقيت صفحات عالنت بإسمى كثيرة
كل ما أفتح صفحة ألاقيها مليانة فتاوى كبيرة

أخبار حصرى على لسانى مكى أصله إدانا التأشيرة
وعلاقتى بالناس دى زى علاقة الدولارات بالليرة
معرفش عنهم حاجة ولا حته بتجمعنا الجيرة
ربنا يشفيهم دول ناس عيانه مش ناس شريرة

كل ساعة بتصريح متفبرك ليا وكله حماسة
إشى فن و إشى أخبار شخصية وفتى فى دين وسياسة

الأغرب انى بلاقى ناس عاقلة كبيرة وبتصدق
وبتاخد كل أخبارى المكذوبة منهم وتفرق

والفتية بتفضل تكبر تنتشر تتخن تترستأ
تتزوء تتروق تترقى لإشاعة وتتصدق

تانى يوم بلاقيها بتتأكد أخبار فنية أتشل
فا وقفت مع نفسى وقفة طويلة ولقيت الحل

قررت أعلن فى أغنية أنى مليش اي أكونت أو سايت
لو قابلك أى مكى عالنت قولوا good night

الكورس X2

الويب سايت الوحيد اللى فعلاً بتاعى

اى حاجة تانية عالنت حمادة بالجنزبيل

boisty boy

مكىيييييي

Mekky

boisty boy , ايه الى جابك

boisty boy

كنت جاى اسالك هو انت فعلاً هتعمل فيلم اسمه ثعبان البحر
اللى هو بالانجليزى اسمه Seas...

Mekky

ايه ده انت جبت الكلام ده منين ؟

boisty boy

فيييس بوك

Mekky

الله يخربيتك على بيت الفيس بوك

boisty boy

طيب يا عم متزعلش ممكن أغنى الكورس ؟

Mekky

إتنيل

boisty boy


Go Shady ... الشبوكشى
Go Shady .... بردوا الشبوكشى

Mekky

الشبوكشى ؟

وبعدين الكورس ده مش بتاعى ده بتاع فيفتى سينت

boisty boy

اه صحيح تصدق معاك حق طيب ... خد دى