المساعد الشخصي الرقمي

مشاهدة النسخة كاملة : أشتري مني ومش هتخسري



MoHaMeD MaHdY
2011-09-24, 11:46 PM
اى بنت فى اولى كليه السنة دى هتسمع كتير اوى فى اول شهر من الكلام اللى جاى ده :
1- لو سمحتى ممكن اصور المحاضرة؟ ( و هيكون بيتكلم بصوت واطى و ابتسامه بريئة , و ده من الاخر لا عايز يصور محاضرات و لا بتاع .. عايز يجر كلام و السلام , و على فكرة كان ممكن يكتبها او يصورها من اى ولد تانى .. بس هو حوارنجى !!

... 2- صباح الخير .. انتى معانا فى السكشن صح؟ ماتعرفيش هو المعيد اسمه ايه؟ عشان عايز اروح له مكتبه ؟
و ايا كان ردك .. اجابته هتكون : طب ايه رأيك فى الماده؟ و يفتح حوار كبببببير اوى بعد كده!
... ... ...
3- لو سمحتى المكان ده فاضي؟
و ده مش هيتكلم معاكى فى اول 5 دقايق و هيبين جديته فى المحاضرة او السكشن.. و هيكتب كل كلمه بتتقال .. بعد كده هتلاقيه بيقولك : لو سمحتى ممكن قلم؟ لو سمحتى هى المحاضرة دى تخلص الساعه كام؟ تييت تييت تييت ..
او هتلاقيه عمال يرمي نكت و يألس على كلام الدكتور .. و خلى بالك لو ضحكتى على اى حاجه بيقولها هتلاقيه بص لك و ضحك و وييييك ويييييك ويييييك .. و اما يشوفك تانى هيسلم عليكي و خلاص انتم كده بقيتم صحاب !!

4- هاى .. انا ترتان الترتانى .. اتحاد الطلبه .. لو احتجتى اى حاجه اديني خبر
و ده مابيكونش اول سنة فى الكليه .. بيكون قديم و جاى يظبط من بنات سنه اولى .. و اعرفى انه لو كلمك يبقى انتى جامده و عجبتيه .. لان الصنف ده مابينقيش اى حاجه .. لازم حاجه تمام :d

5-احنا اسرة ( التيت و الشريط ) و يشرفنا انضمامك لينا
لو قال كده و مشي .. يبقى الواد ده كويس
لو فتح حوارات .. شوفى طريقه كلامه هتكون ايه .. بعد كده قرري ايه ظروفه

6- لو سمحتى , انتى ليكي اخت اسمها ياسمين؟
و ده حوارنجى و باين اوى عليه .. يفضل الرد يكون : اه.. انت تعرفها؟
حتى لو مالكيش اخت اسمها ياسمين !!!! و شوفى بئى البرنس هيكمل يقول ايه !

7- لو سمحتى معاكي (تشارجر اى فون) فى العربيه ؟
و ده مش هيكلمك الا لو كان معاكي عربيه .. و تقريبا هو كمان هيكون معاه .. و من الاخر هيكون عايز يحط عربيتك على عربيته .. و يا بخت من وفق عربيتين فى الحلال !! ردى عليه قوليله : و انت عرفت منين انى معايا اى فون؟
و شوفى هيقولك ايه .. غالبا لو اتحرج و معرفش يرد , يبقى بيحور .. لو اتكلم بثقه .. يبقى فعلا محتاج شاحن اى فون !!

عبدالرحمن مكرم
2011-09-26, 04:31 AM
ههههههههههههههههه... الولاد كده كل سنه وانت طيب بيدعوا عليك من دلوقتي .... لا بس تسلم خليهم يتربوا