المساعد الشخصي الرقمي

مشاهدة النسخة كاملة : آلجنان



عبدالرحمن مكرم
2012-04-25, 06:56 AM
آلجنان ~

أنى أجى تحت بلكونتكم وافضل احدفكم بالطوب :)
عشان تطلعيلى بس واشوفك :))

... ... آلجنان ~

أنى اشتريلك كيس شيبسى عائلى واول ما تفتحيه اخطفه واطلع اجرى
واقولك ش هتاخدى ولا واحدة

آلجنان ~

أنى أعمل كوبايتين شاى
واحدة ليا اشربها .. والتانيه ليكى برضه واشربها :d

آلجنان ~

أنى اشترى نضارة عشان وانتى ماشيه جنبى متشوفنيش بعمل ايه من وراهم
وأذا فجأة ألاقى خبطه فى كتفى ودوسة على رجلى برجلك بتقوليلى بعدهم بص قدامك يا بارد :d

آلجنان ~

أنى اقرر اخيرا اغنيلك .. وافتح الاسبيكر
واقف قصاد المرايا متأنتك .. وأمسك الفُرشة
ومع اول كلمه فى اول جمله تقفلى وتبعتيلى رساله مكتوب فيها
" أمسح رقمى من عندك حالآ " :d

آلجنان ~

انى اقعد ارسم فيكى طوول الليل .. ومع استمرار المحاولات وبعد عذاب بتخلص
واول ما تشوفيها معايا نقعد نضحك .. على مناخيرك الى كبرتها شوية .. لا .. شويتين :d

آلجنان ~

أنك تتفرجى على فلم " توايلايت " وتقوليلى نفسى تطيرنى فوق الشجرة زى الواد اسمه ايه ده
أروح واخدك فوق سطح بيتنآ .. وأنفخ بلالين انا وانتى ونطيرها .. ونفرح :)

آلجنان ~

أنى اقرر معملش اى حاجة من الحاجات دى .. ألا معاكى انتى بس :d

فهمانى يا مجنونه