المساعد الشخصي الرقمي

مشاهدة النسخة كاملة : كلمات ألبوم شيرين عبد الوهاب اسال عليا 2012



MoHaMeD MaHdY
2012-01-22, 01:21 AM
http://img32.imageshack.us/img32/6728/00108616477281396549.jpg



Mc4EsGwN0U8

نفسي افهم . .

. .

نفسي . . افهم ليه . . مابقتش بحبك زي الاول

نفسي . . اعرف ليه . . احساس جوايا بدأ يتحول

مابقتش بحس براحه معاك \ واكيد نفس الاحساس جواك

في حاجات كتيرا في علاقتنا بقت ممله . . مابقاش في حاجه خلاص نقولها لبعضنا

بقينا ليه زي اللي ماسكين لبعض ذله . . في حاجه حلوا خساره ضاعت مننا

نفسي . . افهم ليه . . مابقاش في بينا نفس اللهفه

نفسي . . اعرف ايه . . اتغير فينا انا مش عارفه

بقي في بيني وبينك مساقات \ بتموت جوانا انا وانت حاجات

فاكر زمان اول ماشوفتك واتقابلنا . . حسيت ساعتها اني اتولدت انا من جديد

ووعدتني اني اعيش جنبك في جنه . . وفضلت جنبي بس حاسه انك بعيد

. . . .

. .

MoHaMeD MaHdY
2012-01-22, 01:23 AM
izxOt3DPYzQ


بتحكي في ايه . .

. .

بتحكي في ايه وجاي لقلبي تلوم عليه . . كان يعمل ايه مع حد سابوا ماسألش فيه

ماجيتش انت ليه ولا ماقدرتش تضحي . . اسكت احسن بلاش نصحي جرح كنت قفلت عليه

انساني وروح لحالك . . وقابلني ان قلبي يوم ندالك . . حاجات كتير جاويا منك . . علمت مش هانسهالك

مفكر فيا انا قلبي سهل اضحي بيه . . هاتسيبوا عادي واما تحتاجلوا تلاقيه

واقولك ايه قلبي صعب بجد ينسي . . شاف كتير منك ولسا جاي تكدب تاني عليه

انساني وروح لحالك . . وقابلني ان قلبي يوم ندالك . . حاجات كتير جاويا منك . . علمت مش هانسهالك

. . . .

. .

MoHaMeD MaHdY
2012-01-22, 01:25 AM
v9BNso8yPJ4والنبي لو جالي . .

. .

والنبي لو جالي . . باس ايدي كدا واترجاني \ انا عمري ماهرجع تاني . . مابقتش اقبل اعذار

حدالله مابيني . . وبين واحد قلبوا ناسيني \ اتهزت صورتوا في عيني . . مابقاش في بينا عمار

بيسأل عليا انا . . بعد الهنا بسنه . . ياريت تقولولوا انا مش موجودا

ليه يا عيني ازاي كدا . . ييجي بعد كل دا . . انا قلبي بيبانوا بقت مقفوله

والنبي لو جالي . . باس ايدي كدا واترجاني \ انا عمري ماهرجع تاني . . مابقتش اقبل اعذار

حدالله مابيني . . وبين واحد قلبوا ناسيني \ اتهزت صورتوا في عيني . . مابقاش في بينا عمار

انا مش مصدقه . . انوا خلاص بقي . . هايتوب علي ايدي ودي مش معقوله

انا راضيه ذمتوا . . بقي تبقي غلطتوا . . وعايزني انسهالوا كدا كدا بسهوله

والنبي لو جالي . . باس ايدي كدا واترجاني \ انا عمري ماهرجع تاني . . مابقتش اقبل اعذار

حدالله مابيني . . وبين واحد قلبوا ناسيني \ اتهزت صورتوا في عيني . . مابقاش في بينا عمار

. . . .

. .

MoHaMeD MaHdY
2012-01-22, 01:28 AM
aP25LIRsyAE
هاتروح . .

. .

دي حلوا في ايه . . الفرقه دي اللي انت رايحها

وهاتعمل ايه . . حبيبتك دي ولا ألف غيرها

هاتروح \ وهاتعرف دا لما تروح \ وتحس فرق الروح بيني وبين غيري

خليك \ حبيبتك هنا اولي بيك \ تظلما ذنب عليك هاتيجي اللي تاخد بيك

ماهي دنيا ومابتتعش كدا وخلااص . . لازم تيجي نااس تخلص حق نااس

ولو هامشي الليله عليا بكرا علييك . . كلوا متشال لييك دنيا مابتنسااش

خسرت كتير . . وانا واحده في يوم هاتحتاجني

ويومها اكيد . . هاخاف منك دا من حقي

انسان \ بطبعك مالكش امان \ وعمرك ماتلقي حنان بعد اللي كان دا مفيش

سايباك \ وعارفه اني هابعد \ هاشوف واحدا يوم ظلماك ومالكش نفس تعيش

ماهي دنيا ومابتتعش كدا وخلااص . . لازم تيجي نااس تخلص حق نااس

ولو هامشي الليله عليا بكرا علييك . . كلوا متشال لييك دنيا مابتنسااش

. . . .

. .

MoHaMeD MaHdY
2012-01-22, 01:30 AM
gAqHxGVjEIs

اعصابوا في تلاجه . .

. .

انا مش صعب عليا اذاه . . لو بص بره انا مش عايزاه . . وفي ثانيه هاكون سايباه . . مش هابقي علي حاجه

حالوا غريب داخلين في يومين . . علي كل حاجه مش متفقين . . ازعل وهوا اسمالله عليه . . اعصابوا تلاجه

علي طوول . . اجي كدا ييجي كدا \ مرتااح . . وانا متنكده \ سايبااه . . وانا متأكده \ في أن في الموضوع

سرحاان . . علي طول مش هنا \ في ايه . . شكلها مشكله \ كام يوم . . وانا مستحمله \ لما افهم الموضوع

نص كلاموا . . بقي لوغاريتمات \ دا بينسي حتي وجودي ساعات \ انا خايفه منوا وشايفه حاجات \ بصراحه قلقاني

لأ . . دا انا اهد الدنيا عليه \ انا قلبي مش في ايدين معاليه \ هايشوف ساعتها انا هاعمل ايه \ هايشوف وش تاني

علي طوول . . اجي كدا ييجي كدا \ مرتااح . . وانا متنكده \ سايبااه . . وانا متأكده \ في أن في الموضوع

سرحاان . . علي طول مش هنا \ في ايه . . شكلها مشكله \ كام يوم . . وانا مستحمله \ لما افهم الموضوع

. . . .

. .

MoHaMeD MaHdY
2012-01-22, 01:32 AM
LQragTd31oU


واحده بواحده . .

. .

ليه بتجرحني وتطلب مني اكون مجامله . . وافضل ساكته كدا واتحمل سوء معامله

واحده بواحده . . ماتقوليش لأ عادي في بيتها . . دا مفيش واحده . . تقبل حد يهين كرامتها

اصل غرامي مع احترامي ليك غبااء . . . .

مابقاش ينفع خلاص جراحي يكون مالهاش اثر . . اجيب منين احساس عشان اداوي اللي انكسر

لازم احكي واقولوا بمنتهي الامانه . . لو حتي كان كلامي فيه شويه اهانه

واحده بواحده . . ماتقوليش لأ عادي في بيتها . . دا مفيش واحده . . تقبل حد يهين كرامتها

اصل غرامي مع احترامي ليك غبااء . . . .

. . . .

. .

MoHaMeD MaHdY
2012-01-22, 01:35 AM
3-Gh0g28oMw

دا مش حبيبي . .

. .

دا مش حبيبي دا حد تاني . . فين رقتوا وحنيتوا وخوفوا عليا

فين الكلام الحلو اللي قالوا ليا . . مابقتش شايفه منوا الا يادوب ملامحوا

وحتي دي مابقتش برضوا هيا هيا . . . .

دا مش حبيبي دا حد تاني . . عامل ملاك الطيب الصافي البرئ

واللي زمان فرشلي بالورد الطريق . . ماطلعش زي ماكنت انا شايفاه بعينيا

حبيتوا ليه وازاي قدرت اعمل كداا . . كان عقلي فين شكلي عملت في نفسي عامله

ياريت يا قلبي في يوم زمان انا قولتلك . . ماتحولش تشوف حقيقه حد كامله

دا مش حبيبي . . . .

انا حبيبي كان يبكي قبلي لو يشوف دمعه في عينيا . . وكان حبيبي يتعب مكاني لو في يوم اتعب شويه

اهو دا اللي روحي معاه . . اما اللي انا شايفاه . . دا حد تاني

اهو دا اللي روحي معاه . . اما اللي انا وياه . . دا حد تاني

حبيتوا ليه وازاي قدرت اعمل كداا . . كان عقلي فين شكلي عملت في نفسي عامله

ياريت يا قلبي في يوم زمان انا قولتلك . . ماتحولش تشوف حقيقه حد كامله

دا مش حبيبي . . . .

. . . .

. .

MoHaMeD MaHdY
2012-01-22, 01:38 AM
XRgaA3Ry7Tw

لو لسا باقي . .

. .

لو لسا باقي علي حبي ليك خليني الاقي لو حاجه واحده حنينه

لو كلمه اقولها حاول تبين لو حتي كدب انك حنين ولو مجامله عشان بجد انا محتجالها

ماتخلينيش افضل كدا مستنيااك . . وتفوت ساعات وانا محتااجاك . . دي الساعه في البعد بسنه

خليني احس انك حبيبي بتاع زماان . . رجعلي احساس الاماان . . رجعني اعيش متطمنه

لو مش ناسينيلو لسا في بينك وبيني حاجات لا يمكن تتنسي ارجع عشانها

لو لسا عايز تعالا نرجع تاني جايز جوانا حاجه انت وانا لسا في مكانها

ماتخلينيش افضل كدا مستنيااك . . وتفوت ساعات وانا محتااجاك . . دي الساعه في البعد بسنه

خليني احس انك حبيبي بتاع زماان . . رجعلي احساس الاماان . . رجعني اعيش متطمنه

. . . .

. .

قولهم . . في حاجات انا مش عارفها . . في حاجات انا مش عارفها عنها وحبها مش ناسيه

قولهم . . احنا سوا والبعد ماخلناش . . ننسي مرا الهوا والبعد مافرقناش

اصل احنا اتنين غير اي اتنين عشاق بالصدفه اتقابلوا

وغرامنا مفيش زيوا في الدنيا مفيش بعدوا ولا قبلوا

حكايتنا حكايه جميله جميله جميله هايحكوها بعديناا

و أما هايحكوها في ليله في ليله في ليله هاتخلص بعد سنين

MoHaMeD MaHdY
2012-01-22, 01:39 AM
jQ3Ifhd7xXMمسؤوله منك . .

. .

بص انا مسؤله منك يعني . . تشيل عني همومي وتدلعني . . وانا متضايقه في يوم تسمعني كتير

علي طول عايزا احس بطبيتك . . احسن بضعفي ان انا بنتك . . وان حد عاكسني علي طريقتك غيير

لو مش عاجبك كلامي طيب . . اتفضل قوم . . هافهم انك واحد مش طيب . . او مش مسؤول

يعني الكلام دا ضروري . . من اولها تفهم شعوري . . انا في حياتك انا ليا دوري . . وانا مسؤوله زيك عليك

واياك تعاتبني بعصبيه . . وتتنرفز او تيجي عليا . . عشان قلبتي يا حبيبي قويه عليك

لو تخاصمني انا مين يفضلي . . نفسي اتحامي فيك وامشي في ضلك . . مش بتشرط كدا انا

لو مش عاجبك كلامي طيب . . اتفضل قوم . . هافهم انك واحد مش طيب . . او مش مسؤول

يعني الكلام دا ضروري . . من اولها تفهم شعوري . . انا في حياتك انا ليا دوري . . وانا مسؤوله زيك عليك

. . . .

. .

MoHaMeD MaHdY
2012-01-22, 01:41 AM
XR1IwFBIwv8اسأل عليا . .
اسأل علياا . . من يوم للتاني . . اسأل علياا

قولهم عاملا ايه في غيابي . . قولهم عاملا ايه في عذابي

ياتري فاكرا . . ولا ناسيه . . ياتري عاملا ايه في غيابي . . واسأل عليا

قولهم . . وحشاني ونفسي اشوفها . . وحشاني ونفسي اشوفها واعرف ايه اللي جرالها ايه

قولهم . . في حاجات انا مش عارفها . . في حاجات انا مش عارفها عنها وحبها مش ناسيه

قولهم . . احنا سوا والبعد ماخلناش . . ننسي مرا الهوا والبعد مافرقناش

اصل احنا اتنين غير اي اتنين عشاق بالصدفه اتقابلوا

وغرامنا مفيش زيوا في الدنيا مفيش بعدوا ولا قبلوا

حكايتنا حكايه جميله جميله جميله هايحكوها بعديناا

و أما هايحكوها في ليله في ليله في ليله هاتخلص بعد سنين

. . . .

fatin
2012-01-27, 03:29 AM
كلمات الألبوم بشكل عام جميلة بس غالب عليها طابع حزين من تجربة تحسها واقعية متسلسلة ...

MoHaMeD MaHdY
2012-01-27, 03:53 AM
فعلا ده اللى حسيتة